شاعر المقانيص (مسابقة واتمنى الكل يشارك فيها)

[دوحة حصين]

صباح الخير والورد
كيف اصبحتو جميعا
ممكن اقتراح ودنا نشوف شعراء قطرين يكتبون في المقناص والصيد والطير
انا لاحظت وجود اكثر من شاعر قادر انى يكتب ابيات في الطير والمقناص
ليه مانتساعد ونسوي مسابقة جائزتها شاعر المقانيص وليست جائزه ماديه
ويسمى شاعر المقانيص ..
كل شاعر يكتب قصيده في الطير
ونحط تصوويت عليها ونشووف اي قصيده تشد انتباه المشاهدين
ويكوون عليها تكثيف اعلاني من قبل ادارة المنتدى..منها نخرج شاعر للمقناص والطير في قطر
والباقي على الاداره في المحافظه على الشاعر ومتابعته في كل جديد عن قصائد الطير
ياشباب انا اقولها كلمة حق المنتدى جديد ولاكن انصدمت بكميه كبيره من الناس تدخله في قطر
والمنتدى اقتنص فئه من فئت المجتمع وهيا الاغلبيه في قطر وهم اهل البر والمقناص والشعر

1- كل شاعر بيشارك يحط اسمه
2- كل شاعر يكتب قصيده عن الطير لاتقل عن 8 ابيات
3- تكون القصيده من قلمه الخاص
4- يكون تصوويت من جميع الاعضاء حتى لايتم تحيز او ضلم للشاعر على حسب دخول القصيده الي قلب المستمع او القارىء
5- الجائزه ماعتقد حد قاصره شي كلا عنده خير والحمدلله الجائزه اتمنى من الاداره توافق على اقتراحي الجائزه تكوون اعطاء الفائز الاول 500 مشاركه + شاعر المقانيص تحت اسمه + اوسمه وشعارات للعضو الفائز
6- تحريك قسم الشعري
7-بداية للمسابقات المقانيص الشعريه
8- ماشركة الشاعر باي اسم يشاء
وجود اسامي شعريه جميله لاحظتها في المنتدى واحد اسمه اعتقد ابوغانم الكبيسي والثاني مايحظرني اسمه


هذا اقتراحي واتمنى من الاداره والاعضاء الموافقه عليه ولا راح نخسر شي او نظيع وقت
الشاعر الي بيفووز راح يكون دافع وحافز له في كتاباته الشعريه
واذا زائر الموضوع 2000 الى 10000 زائر زائر هذيه شهر جميله بالنسبه للشاعر وخاصه في دولتنا الحبيبه قطر

واسف طولت عليكم اللهم مجرد اقتراح والباقي عليكم

فمان الله

 

[حمد المنصوري]

السلام عليكم ورحمة الله وبركاته
بيض الله وجهك يادوحة الحصين عزالله انه اقتراح طيب ومن وجه طيب
وبادره جميله وطيبه وانا أول واحد يأيد طرحك يالذيب
ارجو من الاداره والاعضاء التفاعل مع الاقتراح الرائع
وعندنا شعراء مافيهم قصور منهم الدريميح والماجلان وبوغانم
يالله ياشباب الهمه كلنا متعطشين لقصايد المقناص
واي شي تبونه مني انا حاضر من الالف الى الياء
وتقبل مروري

 

[بوهزاع الكبيسي]

بيض الله وجهك

 

[دوحة حصين]

السلام عليكم
حمد المنصوري مبدع مقانيص الف التحايا لك على التشجيع
وشد حيلك يالمنصوري وشارك الاخوان

وننتظر تشجيعكم ياشباب ونشووف قصيد للطير

 

[الفارسه]

بسم الله الرحمن الرحيم

السلام عليكم ورحمة الله وبركاته

صراحة فكرة واقتراح طيب منك يا خوي

بس يبلها تنظيم اكثر عشان تظهر بصورة حلوة

ويعطيك الله الف عافية

 

[ال ثاني 1978]

مساء الخير
فكره واقتراح يحتاج للمجهود وحضور من قبل الاداراه والاعضاء وانا اشيد بفكرتك دوحة حصين
ابدعت في اختيارك واقتناصك للموضوع الجميل

تمنياتي لكم بالتوفيق

 

[الملا]

بادره طيبه من وجه طيب وفكره لا يعلى عليها والله بارك الله فيك

بس لا ننسى ان اكثر الجهد المطلوب في هذا الموضوع هو من قبل الأداره

ف ان شاءالله بتنسيق مع مشرفين قسم القصيد والمدير ممكن الترتيب لمثل
هالمسابقه ان حازت على الموافقه ويبيلها شغل لا ننسى وبأذن الله بنشوف المواهب
الموجوده والمننافسه الشريفه

وانا موؤيد لمثل هالمسابقه

 

[saif alkaabi]

السلام عليكم
سلامي عليك دوحة حصين الفكره دووم على بالي بس ان شالله شباب المنتدى اقصد شعار المنتدى ونشووف مشاركتهم
وابشر اخووي ننتظر تفاعلهم وراح نسووي لهم داعيه في المنتدى وتصوي بس اتمنى منهم المشاركه
نبغي قصيد في الطير يطيب الخاطر =)
لاهنت فكره طيبه من شخصك الطيب

 

[عنـفوآن آلآجـوديه]

خطوه رائعه ، بـ التوفيق للجميع

: )

 

[.. قايد الغزلان ..]

السلام عليكم ورحمة الله وبركاته

فكره حلوه يادوحة حصين ومن رجال طيب ،،

وارجوو التفاعل للمشاركه ،، وانا فوجه المدفع الي تامرون به انا حاضر =)

والله لايهينك ياذيبان ع الافكار الجميله