المساعد الشخصي الرقمي

مشاهدة النسخة كاملة : قصيده رائعه

القرناس
08-02-2009, 11:07 PM
هذه القصيد لشاعر بني تميم الشاعر الكبير
الشيخ عبدالله بن علي بن صقيه الوهيبي التميمي

وهي القصيد تحت عنوان / حنا الذي للشاذليه نسوي





ليا دك بي هاجوس شبيت ضوي
وحمست بن فوق جمر غضاوي
بريـة ماحافهـا كــل بــوي
دلالها يبري لهـا نجـر مـاوي
والى لفونـي قاطعـة كـل دوي
صفيت ماها ماطبخـت الثنـاوي
حنـا الـذي للشاذليـه نسـوي
اليا لوبدوا امنومين الضحـاوي
وان هب نسناس الهبوب الشتوي
غربية تشوي وجيـه الشـواوي
كثرت فيها الهيل يشهد عـدوي
الالف عندي والريـال متسـاوي
والمرجلـه كـل بفعلـه ينـوي
لاكنها تكلـف قريـب الهقـاوي
تبغي عريـب مالوجهـه يلـوي
قرم على عرضه وسمته يـلاوي
حلحيل للسيف المهنـد يـروي
من لابة تعرف نهـار العـزاوي




وسلامتكم
جوارح الجنوب
08-02-2009, 11:33 PM
--------------------------------------------------------------------------------

حنا تميمن نسلنا ذيـاب وفهـود,,,,,,زيازم حروبن شقا مـن عدانـا
مانرضي الذله ولو دونها سـود,,,,,,للعز ولأرفـوع المنايـا فدانـا
قبيلتن ناطا علـى كـل معقـود,,,,,,وعدونـا لونـه شديـدن يلانـا
حنا تميمن ذودنـا بالوغـى ذود,,,,,,وفعولنـا يـوم الشدايـد تبانـا



جعلك تسلم على الابيااات.....وارجو المعذره اذا مابها ازعاج...على انزال هذه الابيات اللي اعجبتني وبنزلها كامله بأذن الله


وربي يحفظك على اختيارك الاكثر من روعه اخي العزيز ....وبالتوفيق
القرناس
08-03-2009, 12:37 AM
لا شكر على واجب اختي جوارح وتسلمين على الرد الرائع
saif alkaabi
08-03-2009, 04:43 AM
من لابة تعرف نهـار العـزاوي

ونعم في بن تميم جميعا

صح الله لسانك اخوي شقران ولسان
شاعرها ابدعت في الاختيار
وقصيده والله اني سرحت في ابياتها
ومعانيها الي خلتني ارددها على لساني
وعساني احفظ هل المقطع الحلوو
والى لفونـي قاطعـة كـل دوي
صفيت ماها ماطبخـت الثنـاوي

لاهنت ولاتحرمنا الغالي من ابداعك
القرناس
08-03-2009, 05:36 AM
الله لا يهينك اخوي سيف على الرد والتشجيع المستمر
admin1
08-03-2009, 07:58 AM
شاعر سعودي قوي وله قصايد جميله

صح لسانه ولسان ناقلها
القرناس
08-03-2009, 01:25 PM
صح الله ابدنك اخوي بوخالد ولا هنت على المرور
نجــــم سهيــل
08-06-2009, 03:15 AM
كفـــــــــــــــــــــــــــــــــــو

ونعـــــــــــــــــــــــــــــــم

وتستاهلون المدح بذمتي

ابدعت ياخوي الكبير
القرناس
09-17-2009, 05:11 AM
الله لايهينكم يالربع على المرور الطيب