هل جوائز المسابقة حرام ام حلال

[الكاسر]

السلام عليكم ورحمة الله وبركاته

شحالكم يالربع عندي سؤال او استفسار واللي هو هل جوائز مسابقة الطيور اللي صارت في

صبخة مرمي حرام ام حلال واللي ايشكك في الموضوع الرسوم اللي (100) ريال الشخص يدفع

الرسوم للتسجيل في المسابقه وتشارك في المسابقه واذا فزت تربح الجائزة واذا خسرت تروح

عليك ال (100) ريال وهني التشكيك في مسالة حرام او حلال المشاركة في المسابقه وهذا

السبب اللي خلى ناس وايد ماتشارك في المسابقه لان الطريقه صارت نفس القمار ,,,, السؤال

اللي يطرح نفسه هل هم في حاجه ال (100) ريال اللي دخلتنا في دوامة الشك وشكرا

[saif alkaabi]

السلام عليكم
حيهم الكاسر شحالك ربك بخير

الغالي انا جاني خبر قبل البطوله من رجال قالي انها حرام بسبة الرسوم وجاب فتوه من رجال بس الي خلاني اشكك في كلامه يقولي حرام والبلا انه مشارك في البطوله قلت له اذا انت مشارك وتبيني انشر انه حرام وانت مشارك....:puppyeyes:

ان شالله الربع يفيدوونا في الموضوع لانى رسوم التسجيل تشكك يالغالي
تسلم على المرور

[الهاجري 2022]

مساء الخير
اخوي الكاسر جعلك الزين على الموضوع
الجمعية ماعليها قصور الخير واجد الحمدلله وبه راعاه للبطوله مثل كيوتل ولاراح يقصر الجمعيه شي
ومهب سنع يطلبون من المشاركن دنانير ويطلبون رسوم للتسجيل
هذا غدا مثل حال القمار ادفع وانت وحظك .... الجمعية السنه جابت العيد في اكثر من موضوع والله يعينهم على التنظيم الي ماشفناه وصل للمستو الي نتنتظره ونتوقعه وحنا في قطر متعودين على الابداع ورفع الراس

[محمد بن حمد]

والله لو نسأل مفتي فيها يكون احسن للتأكد وقطع الشك باليقين

[ابوغانم]

السلام عليكم...

كيف الحال يا جماعه...

خلوا امور الدين لهل الدين يكون افضل...

اذا كل واحد افتا من عنده...بيسير الشك واجد هذا يقول حلال و هذا يقول حرام وضاعت المسئله

[الكاسر]

هلا بكم وتسلمون على المرور وتسلمون على الاراء حبينا انعرف بس واللي ايعرف ايفيدنا جزاكم الله خير

[بوخالد الكعبي]

هلا أخوى الكأسر موضوع جميل جدا في ظل الأمور هذه اللي تحدث من مسابقات أو غيره ولكن هنا يدخل الشك بالأمور هذه يفضل ان يجاوب أو يفتي فيها رجل دين متخصص في الفتاوى و شكرا لسردك الرائع

[دوحة حصين]

السلام عليكم
مالها داعي ال ١٠٠ ريال مهب في حاجتها الجمعيه

[هذال]

وعليكم السلام ورحمة الله وبركاته

مشكور اخوي الكاسر على الموضوع المهم والجميل جدا

والسالفه فيها انننننننا وفيها شك

وان شاء الله بنبحث وبنسأل عنها هل هي محرمه او جائزه

[بوحسن المهندي]

وعليكم السلام ورحمة الله وبركاته
أولاً أشكـرك على طرحك للموضوع اخوي الكاسر وللأسف اني انا واحد من الي شاركوا فالمسابقة وليتني ما شاركت والسبب :
شراء الجوائز من أموال المشتركين في المسابقات المختلفة، أو تقسيم أموال المشتركين بين الهيئة المنظمة وإحدى شركات الاتصالات، ووجود جوائز باهظة تؤدي إلى الشره في الاستهلاك، فلكل هذه الأسباب نقول: إن مثل هذه المسابقات هي أقرب للميسر من كونها مسابقات شريفة لغرض نبيل .
وأنت تستطيع من خلال معرفة سير إجراءات المسابقات المختلفة والاستعانة بالضوابط السابقة الحكم على نوعية المسابقة.
ـــــــــــــــــ
من موقع "إسلام أون لاين".

والمفيد من هالكلام أن حرام ،، والله يستر علينا دنيا وآخرة
ودمتــم بخيــر

[احمد العبدالله]

والله لو نسأل مفتي فيها يكون احسن للتأكد

[صقار الشاهين]

هذا نفس القمار وجمعية القناص جمعية كبيرة كل الناس تعرفها تطلب 100ريال واحد يبي يشارك يقولوله الرسوم 100ريال المفروض انهم هم الي يعطون المشارك 100ريال مب هو يعطيهم وهي من الناحية الاولى حرام وماترضي الله وجمعية كبيرة الكل يعرفها تطلب 100ريال