مغــادر
07-13-2010, 08:09 PM
السلام عليكم ورحمة الله وبركاته
كيف الحال يا الربع ,,, شكلي لعوزتكم بالسوالف و الحكا الواجد ,,, هههههه
الموضوع وما فيه ,,, ان كل صقار في قطر و في الخليج متلعوز من خروج و دخول الطيور عن طريق
المراكز الحدوديه ومشكله انهم لايراعون وقت المقناص عند دخول الطيور ولا يعرفون متى ينتهي
المقناص والله يعينا على ذ اللعوزه ,,, وكلها تهون في سبيل حبنا للبر والطير والمقناص ,,,
والمهم على قولتهم نخش في الموضوع ,,, وهو ني قبل ثلاث اسنين معود من السعوديه من مقناص
حبارى والحمدلله توفقت بأربع حباري وحده في قطر وثلاث في السعوديه وذاك الوقت عساف قرناس بكر
و هو قرناس الشاهين اللي تكلمت عنه مع صور الطيور ,,, المهم عودت مستانس ويوم دخلت المركز
خلصت من الجوازات ورحت لصحه واحول بطيري علشان يشيكون على الشريحه والا الدكتور يقولي وين
رايح قلت رايح لدوحه يعني وين بروح ,,, قال يعني ماتدري ان الطيور ممنوع دخولها للبلاد الى شعار آخر ,,,
رديت عليه انا توني معود من المقناص وقدلي مده ولا ادري عن ذ القوانين اللي اتكلم عنها ,,, قالي
المهم ماتقدر تدخل بالطير ,,, وعود به للسعوديه ,,, قلت له اعود للسعوديه ,,, الحين يالله قدرت امر من
صوبهم وتبغيني اعود لهم ,,, قال لي المهم دبر نفسك ,,, قلت له بهده ,,, قال كيفك تهده سوي اللي التسويه ,,, وكتبني على تعهد ان الطير ما يدخل وطلعت من عنده وكلمت واحد من الشباب وشار علي اني اركب فيه ريشة الجهاز و اركب بتري جديد وهده ,,, وحظي علي حظي ,,, يا بيقطع لقطر والى بيقطع للسعوديه واهم شي يطيح في يد راعي ذمه ,,, وتمت العمليه بنجاح ,,, واهده في المركز في الليل ,,,
واتلعوز لعوزه مابعد صارت ولا بعد جرت عودت للسعوديه ,,, وقالوا لي يوم شافوا لورقه ليش ردوك ,,, الفت عليهم سالفه ومشت ,,, وجا وقت التفتيش ,,, وفلوا السياره فل وعودت لقطر وخلصت منهم ,,, ورحت عند ربعي في دخان علشان اصبح الطير من قريب ,,, ما اطول عليكم ,,, صبحته من فجر ,,, وصاح الجهاز بين المركزين ,,, يعني ممسي البارحه في الصبخه ,,, واروح لمركز حرس الحدود واكلمهم وجزاهم الله خير خلوني ادخل من صوبهم ,,, وادور بالجهاز اللا الطير مغير مكانه واظنه راح للمركز وقد النور مسفر ,,, وقلت للعسكري اللي معي خلنا نرجع الطير غير مكانه ,,, اشوي اللا التلفون يصيح ,,, من معي قال انت مضيع طير ,,, قلت ايوالله مضيع شاهين ,,, قال هذا هو عندنا ,,, قلت انت ان شاءالله انك برا المركز ,,, قال لا انا اداوم في الجمارك ,,, والطير شفته صوب مواقف الشاحنات يردد له صلال وصاده ,,, ويوم جيته تروع
من اللبس وفكه ,,, وابعدت منه وجاه واحد سعودي من هل الشاحنات وقبضه والحين عنده ,,, وقلت في خاطري والله المشكله ابغيه يطلع من المركز ولا طلع ,,, و رحت لمواقف الشاحنات اللا الرجال شال الطير وخذيته منه ,,, ورحت انا والرجال اللي في الجمارك لضابط لامن علشان اخترع لهم سالفه علشان ادخل الطير معي ,,, وكلمت الضابط وجزاه الله خير ما قصر ,,, قلت اني مضيعه ,,, وقال رح مع الشرطي للدكتور اللي في الصحه علشان يكتب لك ورقه ويختم عليها علشان ادخل طيرك لقطر ,,, وقلت في خاطري ان شاءالله ان الشفت تغير ,,, اثر الدكاتره ما يتعدون الصحه ,,, ويوم جينا الصحه ,,, الشرطي دخل قدامي ويوم تفكرت صوب الغرفه اللا على قولتنا (( اللا ذا حميد بعينه )) يفرك عيونه توه قايم من الرقاد جعله المرقد ,,, قعت اسويله اشارات من ورا الشرطي اربه يفهما ويخلصني وخبر خير ,,, قال له الشرطي ,,, الرجال مضيع طيره ومسكناه في المركز ونبغيك تكتب له ورقه وتختم عليها علشان يدخله معه لقطر ,,,
قال له دكتور الفلس ,,, الرجال هذا جاني البارح ولا خليته يدخل وهاذي ورقة التعهد عندي ,,, و التفت علي الشرطي وفيه الضحكه وقالي ما انفعت حيلتك ,,, قلت له وش تبغيني اسوي ,,, لازم ادور لي حيله ,,, قال لي يا حياك للضابط ,,, والله لايعرضكم لمثل اللي جاني ,,, جينا الضابط وعلمه الشرطي وقال لي ليش ما علمتني بالصحيح ,,, قلت له حط نفسك في مكاني وشوف وش بتسوي ,,, قلي يلحين ارجع للسعوديه ,,, قلت له الطير بهده ,,, قالي بصرك فيه اهم شي اتعود للسعوديه ,,, وسويت نفس الطريقه
والحمدلله انه ما تغدى على الصلال ,,, وعودت من المركز السعودي و جيت شمال مركز قطر ادربل واشغل الجهاز اللا ذاك الطير يلعب ورفيقه جاه اللي ينقرا في الصحف ,,, ويوقع على شيب الكشافات اللي عند المسجد و من الساعه 8 الى الساعه تقريبا ً 12 الظهر ,,, وانا ما صدقت انه ذ الوقت في الشيب اللا بالجهاز الى وجهته على الشيب صاح ,,, اثره ذ الوقت كله يشتغل في الريشه الين فك اريلها ,,, وسبحان الله علشاني قريب الجهاز يصيح ,,, والحمدلله يوم الله راد اني اقبضه طار من الشيب ,,,
لشيب ثاني قريب من بوابه الدخول للدوحه ,,, وروح الين وازيت البوابه من شمال ودربلت على الشيب اللا هو ذاك ويقدر شوف الحمامه اذا غليتها ,,, والحمدلله غليتها وجاني الطير ونسرته وانا مستانس آخر اناسه ,,, ويوم حطيته على السيت اللا سيارة الشرطه حقت المركز جايه صوبي من صوب البوابه ,,, وقلت لو ويش ماتسوون مارديتوني داخل المركز ,,, ويوم جات الدوريه اللا ذا الشرطي اللي راح معي للدكتور ,,,
ويوم عرفني قعد يضحك ,,, ويقولي و الله ما فيك حيله ,,, وقالي ما شفتني ولا شفتك ,,, وبيض الله وجه ووجيهكم ,,,
واسمحولي على السالفه اللي فكرت ان كتابتها مثل قولها والله يعطيكم العافيه اللي قريتوها ,,,
اخوكم مغــــادر ,,,
كيف الحال يا الربع ,,, شكلي لعوزتكم بالسوالف و الحكا الواجد ,,, هههههه
الموضوع وما فيه ,,, ان كل صقار في قطر و في الخليج متلعوز من خروج و دخول الطيور عن طريق
المراكز الحدوديه ومشكله انهم لايراعون وقت المقناص عند دخول الطيور ولا يعرفون متى ينتهي
المقناص والله يعينا على ذ اللعوزه ,,, وكلها تهون في سبيل حبنا للبر والطير والمقناص ,,,
والمهم على قولتهم نخش في الموضوع ,,, وهو ني قبل ثلاث اسنين معود من السعوديه من مقناص
حبارى والحمدلله توفقت بأربع حباري وحده في قطر وثلاث في السعوديه وذاك الوقت عساف قرناس بكر
و هو قرناس الشاهين اللي تكلمت عنه مع صور الطيور ,,, المهم عودت مستانس ويوم دخلت المركز
خلصت من الجوازات ورحت لصحه واحول بطيري علشان يشيكون على الشريحه والا الدكتور يقولي وين
رايح قلت رايح لدوحه يعني وين بروح ,,, قال يعني ماتدري ان الطيور ممنوع دخولها للبلاد الى شعار آخر ,,,
رديت عليه انا توني معود من المقناص وقدلي مده ولا ادري عن ذ القوانين اللي اتكلم عنها ,,, قالي
المهم ماتقدر تدخل بالطير ,,, وعود به للسعوديه ,,, قلت له اعود للسعوديه ,,, الحين يالله قدرت امر من
صوبهم وتبغيني اعود لهم ,,, قال لي المهم دبر نفسك ,,, قلت له بهده ,,, قال كيفك تهده سوي اللي التسويه ,,, وكتبني على تعهد ان الطير ما يدخل وطلعت من عنده وكلمت واحد من الشباب وشار علي اني اركب فيه ريشة الجهاز و اركب بتري جديد وهده ,,, وحظي علي حظي ,,, يا بيقطع لقطر والى بيقطع للسعوديه واهم شي يطيح في يد راعي ذمه ,,, وتمت العمليه بنجاح ,,, واهده في المركز في الليل ,,,
واتلعوز لعوزه مابعد صارت ولا بعد جرت عودت للسعوديه ,,, وقالوا لي يوم شافوا لورقه ليش ردوك ,,, الفت عليهم سالفه ومشت ,,, وجا وقت التفتيش ,,, وفلوا السياره فل وعودت لقطر وخلصت منهم ,,, ورحت عند ربعي في دخان علشان اصبح الطير من قريب ,,, ما اطول عليكم ,,, صبحته من فجر ,,, وصاح الجهاز بين المركزين ,,, يعني ممسي البارحه في الصبخه ,,, واروح لمركز حرس الحدود واكلمهم وجزاهم الله خير خلوني ادخل من صوبهم ,,, وادور بالجهاز اللا الطير مغير مكانه واظنه راح للمركز وقد النور مسفر ,,, وقلت للعسكري اللي معي خلنا نرجع الطير غير مكانه ,,, اشوي اللا التلفون يصيح ,,, من معي قال انت مضيع طير ,,, قلت ايوالله مضيع شاهين ,,, قال هذا هو عندنا ,,, قلت انت ان شاءالله انك برا المركز ,,, قال لا انا اداوم في الجمارك ,,, والطير شفته صوب مواقف الشاحنات يردد له صلال وصاده ,,, ويوم جيته تروع
من اللبس وفكه ,,, وابعدت منه وجاه واحد سعودي من هل الشاحنات وقبضه والحين عنده ,,, وقلت في خاطري والله المشكله ابغيه يطلع من المركز ولا طلع ,,, و رحت لمواقف الشاحنات اللا الرجال شال الطير وخذيته منه ,,, ورحت انا والرجال اللي في الجمارك لضابط لامن علشان اخترع لهم سالفه علشان ادخل الطير معي ,,, وكلمت الضابط وجزاه الله خير ما قصر ,,, قلت اني مضيعه ,,, وقال رح مع الشرطي للدكتور اللي في الصحه علشان يكتب لك ورقه ويختم عليها علشان ادخل طيرك لقطر ,,, وقلت في خاطري ان شاءالله ان الشفت تغير ,,, اثر الدكاتره ما يتعدون الصحه ,,, ويوم جينا الصحه ,,, الشرطي دخل قدامي ويوم تفكرت صوب الغرفه اللا على قولتنا (( اللا ذا حميد بعينه )) يفرك عيونه توه قايم من الرقاد جعله المرقد ,,, قعت اسويله اشارات من ورا الشرطي اربه يفهما ويخلصني وخبر خير ,,, قال له الشرطي ,,, الرجال مضيع طيره ومسكناه في المركز ونبغيك تكتب له ورقه وتختم عليها علشان يدخله معه لقطر ,,,
قال له دكتور الفلس ,,, الرجال هذا جاني البارح ولا خليته يدخل وهاذي ورقة التعهد عندي ,,, و التفت علي الشرطي وفيه الضحكه وقالي ما انفعت حيلتك ,,, قلت له وش تبغيني اسوي ,,, لازم ادور لي حيله ,,, قال لي يا حياك للضابط ,,, والله لايعرضكم لمثل اللي جاني ,,, جينا الضابط وعلمه الشرطي وقال لي ليش ما علمتني بالصحيح ,,, قلت له حط نفسك في مكاني وشوف وش بتسوي ,,, قلي يلحين ارجع للسعوديه ,,, قلت له الطير بهده ,,, قالي بصرك فيه اهم شي اتعود للسعوديه ,,, وسويت نفس الطريقه
والحمدلله انه ما تغدى على الصلال ,,, وعودت من المركز السعودي و جيت شمال مركز قطر ادربل واشغل الجهاز اللا ذاك الطير يلعب ورفيقه جاه اللي ينقرا في الصحف ,,, ويوقع على شيب الكشافات اللي عند المسجد و من الساعه 8 الى الساعه تقريبا ً 12 الظهر ,,, وانا ما صدقت انه ذ الوقت في الشيب اللا بالجهاز الى وجهته على الشيب صاح ,,, اثره ذ الوقت كله يشتغل في الريشه الين فك اريلها ,,, وسبحان الله علشاني قريب الجهاز يصيح ,,, والحمدلله يوم الله راد اني اقبضه طار من الشيب ,,,
لشيب ثاني قريب من بوابه الدخول للدوحه ,,, وروح الين وازيت البوابه من شمال ودربلت على الشيب اللا هو ذاك ويقدر شوف الحمامه اذا غليتها ,,, والحمدلله غليتها وجاني الطير ونسرته وانا مستانس آخر اناسه ,,, ويوم حطيته على السيت اللا سيارة الشرطه حقت المركز جايه صوبي من صوب البوابه ,,, وقلت لو ويش ماتسوون مارديتوني داخل المركز ,,, ويوم جات الدوريه اللا ذا الشرطي اللي راح معي للدكتور ,,,
ويوم عرفني قعد يضحك ,,, ويقولي و الله ما فيك حيله ,,, وقالي ما شفتني ولا شفتك ,,, وبيض الله وجه ووجيهكم ,,,
واسمحولي على السالفه اللي فكرت ان كتابتها مثل قولها والله يعطيكم العافيه اللي قريتوها ,,,
اخوكم مغــــادر ,,,