داري قطر
05-31-2010, 01:41 AM
واطيري اللي مايتاوق ليا شاف
ليا قطع بالطلع تل وعطيته
وان كوبر الحفال ماهوب خواف
والطايره ماقط عنها دعيته
أجرد طويلٍ عاتقه واف الاطراف
ابيض نحر أشقر إلي ماقفيته
جبر الثنادي كامل كل الاوصاف
مابان مافي معلفه لو مليته
هجرٍ كراعه جبر واكفوفه اجلاف
شفته ومن عشرين طيرٍ انتقيته
يشوتها في عالي الجو باكتاف
ويزود فعله بالهدد لو قصيته
إليا ضربها في السما طاحت انصاف
تنكّست واهوت على الأرض ميته
من دمها على سراويله ارعاف
من مضربٍ كنّك بحدٍ فريته
غدت به اللي غرفها غرف مجداف
من يوم شفت اطيارها مارجيته
طارت بعيد ودونها جال مهياف
وهفن وانا راس النبا مارقيته
وغديت الوّح له على كل مشراف
وراح النهار وجا المسا ما لقيته
وامسيت قلبي عقب سلمان ينلاف
كنّي على نار اخو هملا صليته
عقب على كبدي من الغبن مرضاف
هاك الحجاج أبطى وانا مانسيته
إليا ذكرته صار في القلب رجّاف
عين العديم اللي يشوّش إن نخيته
الشاعر الكبير عبدالرحمن العطاوي العتيبي
شاعر هوازن
ليا قطع بالطلع تل وعطيته
وان كوبر الحفال ماهوب خواف
والطايره ماقط عنها دعيته
أجرد طويلٍ عاتقه واف الاطراف
ابيض نحر أشقر إلي ماقفيته
جبر الثنادي كامل كل الاوصاف
مابان مافي معلفه لو مليته
هجرٍ كراعه جبر واكفوفه اجلاف
شفته ومن عشرين طيرٍ انتقيته
يشوتها في عالي الجو باكتاف
ويزود فعله بالهدد لو قصيته
إليا ضربها في السما طاحت انصاف
تنكّست واهوت على الأرض ميته
من دمها على سراويله ارعاف
من مضربٍ كنّك بحدٍ فريته
غدت به اللي غرفها غرف مجداف
من يوم شفت اطيارها مارجيته
طارت بعيد ودونها جال مهياف
وهفن وانا راس النبا مارقيته
وغديت الوّح له على كل مشراف
وراح النهار وجا المسا ما لقيته
وامسيت قلبي عقب سلمان ينلاف
كنّي على نار اخو هملا صليته
عقب على كبدي من الغبن مرضاف
هاك الحجاج أبطى وانا مانسيته
إليا ذكرته صار في القلب رجّاف
عين العديم اللي يشوّش إن نخيته
الشاعر الكبير عبدالرحمن العطاوي العتيبي
شاعر هوازن