المساعد الشخصي الرقمي

مشاهدة النسخة كاملة : حوار صريح...عن الرمي في قطر

saif alkaabi
07-13-2009, 10:35 PM
السلام عليكم
اخواني وا خواتي
عندي موضوع من زمان ادور له حل
ويدوور في بالي اكثر من تفكير
وقلت كل مشرووك مبرووك وابي
اشاوركم في موضوع حصل لي...



1-راح اذكر القصه
2-وبعد القصه تفكيري وردت فعلي


++++++++++++++++++++


القصه كانت العام الماضي في منطقة اسمها راس بعبود او يسموونها(الرفاع)
منطقهة توجد بالقرب من مطار قطر الدولي
وبين مصنع راس بعبوود... كنت ارمي في شهر تسعه على حمامة لفو(القمري)
وكانت اول زياره لي لذلك المكان..واول مره انزل ذلك القاع..
وكنت ارمي والحمدلله توفقت في 15 حمامة لفو في مكان واحد
وهو الرفاع..
وهذي الحصيله قبل يصيدني الموقف..هذي الصوره تشمل تقريبا 8 او 9 حمام ومع
مدقيه...


http://farm2.static.flickr.com/1174/1444449975_49b91ca375.jpg


نرجع لموضوعنا..الشباب بعد التطور الكبير في الرمي صرنا نتفلسف
في الرمي وقمنا نحلل الحمامه من رقبتها وننحرها نحر اسلامي يووم نطلق نسمي
استغفراالله ماحط في ذمتي

http://farm3.static.flickr.com/2165/1588453070_c7ee2a78c7.jpg



المهم كانو في حمامتين لفو..على القرطه
وكنت واقف قريب منهم وكنت اظبط الدربيل اعتفس من حركة
الموتر ...وقاعد احط الدربيل على فندوة الحمامه عشان معتفس تجي الطلقه فووق شووي
هاي مزانية محمد النعيمي يعطيه العافية...المهم وله وانا اتفلسف قلت له برمي
وانت ارم الثانيه طيار بالشووزن..قالي ابشر
ماقلنا بسم الله..وله موتر يرميهم قدامنا وينزل بزر ياخذهم انا
تشققت :Dقلت فيه الخير بيجيبهم وبيقوول حياكم...ومع الصدمه مبتسم
ههههههههه البزر ركب السياره وعطى ابووه الحمام وراحو... لحقتهم وقفتهم وعطتهم حمام اللفو الي عندي وقلت قدر وجهه الا حمامه ماتسوى شي وتميت منصدم
وبعدها قفلت وطلعت من الرفاع بكبرها ورحت دخان وربي ووفقني وصدت حمام هنا

زبدت الهرج يالربع
لو انتو مكاني شنو بتكون ردت فعلكم؟؟؟؟؟؟؟؟

هل ذي العاده منتشره في قطر او لا

ابي حوار صريح ومنطقي يالربع
شقران
07-13-2009, 10:41 PM
بسم الله الرحمن الرحيم

اخوي سيف ماشاء الله عليك ماتخلي شي

اول شي المنطقه اسمها راس بوعبود الرفاع مقصود به الرفاع الي حول قاع روضة راشد

بالنسبه لموضوعك اخوي هذا حاصل في هالمنطقه بشكل ماتخيله انت طبعن جيت وشفت المكان شلون اصغير مافي

مافي مكان حتى ترمي فيه

فانت ماتخيل شهر تسعه وقت الحمامه شلون المواتر هناك والله تقول حد بيدعم الثاني وتشوف اكثر من موتر يلحق

هالحمامه مسكينه مايسوى عليها

المهم ان هالمكان مايصلح وثاني شي خطر

اما بالنسبه حق الي صارلك زين سويت الاحمامه وانت اكبر من هالشي

ولو انا مكانت سويت نفس الي انت سويته

اخوك شقران
saif alkaabi
07-13-2009, 10:46 PM
يالله حيهم اخوي شقران
والله لاتلوومني طوول الصفري ادرس
برع فا اغتنم اي فرصه ههههههه
وكل محتركه حلال ههههههههه
الله لايهينك على الرد الطيب

والمنطقه صادق صغيره بس ملفى حمامه وحبارى وغيرهم
والمواتر واجد هناك ...والي حصل معاي كان موضوع
لفت انتباهي والي قنصوون هناك محشومين كلهم وهذا شخص مادري من
وين جاي ...وايل يرموون هناك اغلبيتهم والله ونعم حيك حيهم

لاهنت على النقاش الي دووم اتوقعه منك
مبدع نفس راعيه
admin1
07-13-2009, 11:35 PM
مرحبا سيف تسلم على القصه

اخوى ذيك تسمى المحرقه مب الرفاع

الرفاع جنوب حول روضه راشد يالغالي

واسمحلي على نقل الموضوع الى قسم الاسلحه

لاانه يخص القسم هذا

وماشاءالله خوش حمام صدته جعل فيه العافيه
الزباره
07-13-2009, 11:42 PM
السلام عليكم
ابدعت ياسيف وماقصرت على الصور
وبخصووص
السالفه الي سويته عين الصواب
والواحد يبعد عن مناشب العرب
وهذا من طيب علومك
ذيب الدريميح
07-14-2009, 01:16 AM
مرحبا سيف انا ماضن انا هاي العاده موجوده في قطر
ولازم تلقه الزين والشين واصبع يدك مهب متساوين
والله يعطيك الف الف عافيه على الموضوع وتسلم
وعساك على القوه
قناص-المرونه
07-14-2009, 02:42 AM
تسلم اخوي و ماقصرت
saif alkaabi
07-14-2009, 08:53 AM
ماقصرتو يالربع على الحوار الطيب منكم
وعلى الجهد المبذوول
تسلمون والله
Al Saifi
07-14-2009, 11:36 AM
الي سويته عدل ياخوي سيف ,,

والله يعينكم يالمقانيص ,,

مافي مكان ,,

الكل قام يقنص ,,
saif alkaabi
07-14-2009, 06:04 PM
السيفي
تسلم الذيب
وانشهد تلعوزنا كفايه انهم مظيقين علينا من كل مكان
بودعي
07-14-2009, 10:34 PM
الكل يقنص الحين الواحد يقنص يعين خمس مواتر قدامه
بدون ملامح
10-21-2009, 01:32 PM
السلام عليكم ورحمة الله وبركاته
تسلم على طرحك اللموضوع وو تسلم على
مواضيعك الهادفة والقيمة
وفعللك اللي سويته يدل ماشاء الله على وساعة خاطرك
والتسامح والعفو من شيم الطيبين وطيب الاصل والتربية
واللي صار للك للأسف من ناس قلليلة مش فاهمة ولا أهي عارفة سلووم
وعادات اللمقناص واللقناصة يكفي اللي يقنص يكون عندة فكر واسع ووسعة صدر
واهم شي احترام لخصووصية الغير وما بغث غير مثل ما بحب الناس تحترمني الواجب على احتررامهم
والحمد الله على اللي صار شي بسيط لا نه في باللي حتى وقفته وتكلمت معاه بشوف انه ما منه فايدة اللي
يسووي ها السواه بيكوون عقلة صغير وتركة ابرك
والسموحه على الاطالة
والله يوفق الجميع في الخير
سبحانك اللهم وبحمدك ، أشهد أن لا إله إلا أنت أستغفرك وأتوب إليك
حمد المنصوري
11-01-2009, 06:49 PM
بسم الله الرحمن الرحيم

السلام عليكم ورحمة الله وبركاته

اخوي سيف الله يعطيك العافيه على مواضيعك الهادفه

والبنائه مثل ماتعودنا منك... أما بالنسبه للي سويته وردت

فعلك ماهي غريبه على اللي مثلك وشرواك.. ولكن المشكله

ان هالعاده فعللا انتشرت عندنا في قطر وهي عاده((( دخيله ))) علينا

وهي موجوده في أحدى دول الخليج وانا شفتهم بعيوني الصراحه شي لااااا يصدق

تخيل انهم يقعدون تحت شجره أربع أو خمس سيارات وكل واحد لحاله وطبعا الحمام والصفار ينزل

فلما اطير الحمامه يرمون وطبعا اطيح الحمامه او الصفاره اتوقع من ياخذها......

كلهم يركظون تقريبا7 او 8 اشخاص وطبعا يوصلها اسرع واحد فيهم فتصير من نصيبه

والبطيئ والمتين ماله الا التعب هههههه...

فهذا يدل على الجهل وقلة الوعي للأسف..

ماكنا نتمنى انها توصل عندنا في قطر لهالمستوى..

ياشباب الدعوه وناسه وسعة خاطر مب مشاكل وغثا

واسمحولي عالاطاله
saif alkaabi
11-01-2009, 07:09 PM
السلام عليكم
بدون ملامح بودعي
حمد المنصوري بيض الله وجيهكم على الرود الطيبه
وماعليكم زود يالربع
اتمنى والله انى الواحد يووم يقنص ويرمي ماتشين نفسه ويقنص باخلاقه ومنبعه واصله
والدعووه وناسه وتجمع
الله يووفقكم جميعا يالربع وع تفاعلكم الطيب مع الموضوع
Mr.BERETTA
11-09-2009, 02:13 PM
أخوي سيف بيض الله وجهك وألي سويته عين الصواب وكثير ما تحصل للأسف
والواحد يكبر عقله عن بعض الناس وللأسف فيه ناس كبار عمر وصغار عقول
فالواحد قد ما يقدر يطوف للواحد يطوف وأيحاول أنه ما يحتك مع أحد
وألي سويته يالغالي راح يعطيه درس ما ينساه مع العلم أن راعي المقناص
لازم تكون فيه شيمه أكثر من غيره لأنها تحصل فيه حساسيات من ضعاف النفوس

وماني مستغرب الطيب منك يا أخوي سيف أنت ذيب ومن نسل ذيابة الكعبان
وهذا ما عودوك عليه شيبانك ومن غير قصور في باقي القبايل كل القبايل فيها حقها

وقد قال الشاعر ( الطيب سلم من سلوم الصقاقير ....)

والله يعطيك العافيه


تقبل مروري يالغالي وشاكر لك طرح هالموضوع
بوراشد911
02-23-2010, 08:02 PM
بسم الله الرحمن الرحيم

اول شي تسلم على الروح الطيبه والي سويته عين الصواب, اما بالنسبه لمثل هالمواقف وللاسف انتشرة عندنا في قطر بشكل غير طبيعي لدرجه انها وصلة للشمال , وانا صارلي تقريبا نفس موقفك عند قرط المفير هالسنه قاعد انيشن على الحمامه ابي ارميها ولا بصوت الشوزن الي منثر ريش الحمامه من الجهه الثانيه ,الحمدالله انه القرطه بيني وبين الي رمى يوم حركت صوبه ولا هو بزر ما تعدى ال 16 سنه قلت له ماتشوفني قال بلا قلت له زين تشوفني ماد البندق ابي ارمي ترميها ليش قال مادري وقام يتحجج المهم خليته ورحت عنه , وبعد عند الثقب والغشاميه, الحويله.
الصراحه قمت ادور الحمام عز الظهر خوف لا يرميني ولا شي.
وهذه العاده دخيله علينا مثل ماقال اخوي حمد واتمنى انها تختفي لانها الصراحه مش من سلوم العرب ترمي صيد غيرك
وسلامتكم واسمحوا لي على الاطاله لانه الاخ سيف حط يده على الجرح

تحياتي لكم
قطر603
02-25-2010, 07:38 AM
مرحبا ياسيف
انا لو مثلك وقفته وصطرته :inv: علشان يتعلم السنع
لكن اللي سويته عين العقل