لاتشره عليه

[الشيهانه]

لاتشره عليه
لاتشره عليه

الاياقلب لاتشره عليه ولي متى غيره ؟
يغيب براحته خله يروح بعالم النسيان


× ×
كفاك تدور أعذار لغيابه فضها ســــــيره
تماديت لغلاه ومن تمادى بالغلا خسران


× ×


ابد مافيه بالدنيا بشر يستاهلك غــــيره
يغيب ولارجع ماكنك الا العاشق الولهان


× ×


انا ماقول لاماقول منت بشايف (ن) خيره
وانا ماني بقايل صاحبك وافي ولاخــــوان


× ×


يقولون القمر لاغاب يضويله على ديــره
وانا اقول الحبيب ان غاب يضويله على خلان


× ×


اجل شسباب هاالغيبه وابي شسباب تأخيره
وابي ليه الجفا ياقلب وانت بغيبته حيران


× ×


شهر واكثر ولاطرش عن غيابه معاذيره
ياليته لوتعذر بالظروف ولا يمه غلطان


× ×


تعبت ولاطراله يتصل قل علها خــيره
وش انت متعب (ن) حالك على واحد قليل احسان


× ×


يجي ميت وله لامن شكا وقته وتعزيزه
وإذا قفى على وجهه حبيبك " ناقة عريمان "


× ×


اقول انه موالف بشر خلاك تقزيره؟
واقول انك على هامش حياته مابقى لك شان


× ×


مع اللي ماله سبوق اتركه شف واحد(ن) غيره
وانا شوري عليك تلحًقه في سبعة الشيطان


× ×


ذبحك الطيب ياقلب تعذب من مقاديره
يعن كنك خفوقي خابرك ماتعرف النكران


× ×


تقاضى لعنبو جــد الغلا ماتنفع الذيره
ترى من لاتقاضى ياخفوقي هالزمن ينهان


× ×


حبيب (ن) ماصفى لك طيع شوري بدل بغيره
وانا شوري عليه تلَحقه في سبعة الشيطان

[الفارسه]

بسم الله الرحمن الرحيم

السلام عليكم ورحمة الله وبركاته

يقولون القمر لاغاب يضويله على ديــره
وانا اقول الحبيب ان غاب يضويله على خلان

تسلمين على الاختيار الحلو

قصيدة جميلة لحمد السعيد

وبنتظار الجديد والمميز من صوبج

يعطيج الله الف عافية

[بوجاسم]

السلام عليكم
قصيده جميله بس تحكي عن الفراق وانه ما به حب ولا شي وهذا البيت اكبر دليل

يقولون القمر لاغاب يضويله على ديــره
وانا اقول الحبيب ان غاب يضويله على خلان

على العكس الي يحب ما ينسى وجهة نظر يعطيج العافيه

[بوعبدالرحمن]

يعطيج الف عافيه وصح الله لسان قايلها

[الشيهانه]

بسم الله الرحمن الرحيم

السلام عليكم ورحمة الله وبركاته

يقولون القمر لاغاب يضويله على ديــره
وانا اقول الحبيب ان غاب يضويله على خلان

تسلمين على الاختيار الحلو

قصيدة جميلة لحمد السعيد

وبنتظار الجديد والمميز من صوبج

يعطيج الله الف عافية

هلا وغلا يسلمووووو كلك ذووووق

[الشيهانه]

السلام عليكم
قصيده جميله بس تحكي عن الفراق وانه ما به حب ولا شي وهذا البيت اكبر دليل

يقولون القمر لاغاب يضويله على ديــره
وانا اقول الحبيب ان غاب يضويله على خلان

على العكس الي يحب ما ينسى وجهة نظر يعطيج العافيه

صح اذاكان يحب ماراح ينسى؟؟؟يسلمووو مشرفنا العزيز

[الشيهانه]

يعطيج الف عافيه وصح الله لسان قايلها

الله يعافيك ,,,شرفني مرورك

[عناد]

السلام عليكم ورحمة الله وبركاته

حبيب (ن) ماصفى لك طيع شوري بدل بغيره
وانا شوري عليه تلَحقه في سبعة الشيطان

اختيار رائع وتسلمين اختي الشيهانه

[الشيهانه]

عناااااد يسلموووو عزيزي مرورك الااروع