لشناذر

[بومحمد]

السلام موظوعي الشناذره هل انت مع اوضد وكم في المئه تساعد الصقار و الكل يعرف خطورتها وكم مره تستخدمها للطير الواحد في الموسم واي نوع تفضل 1-الكبسوله 2-العاديه 3-القزازيه 4-اذا فيه انواع اخرى افيدونا والشكر للجميع

[شقران]

الله يعطيك العافيه ابومحمد

شاكرلك موضوعك الطيب

والله يابومحمد بالنسبه مع اوضد هاذي مافيها مع وضد في بالي مافي طير مايتشنذر يعني هاي من الندر ان طير

نفسه طيبه على الصيد

اما بالنسبه انها تساعد الصقار هذا مايختلف عليه اثنين انها تساعده هي تفيد وتظر لكن انا اشوف ان فيها فايده

الطير الي مش مظبوط تخليه يصطلب

كم مره تستخدمها على حسب يابومحمد يمكن تستخدمها اربع خمس ويمكن ماتستخدمها مثل ماقلت لك على الطير

نفسه يمكن نفسه طيب مثل ماذكرت لك من قبل ومايحتاج ويمكن العكس يحتاج اكثر من اربع اوخمس

اما بالنسبه للانواع انا افضل النوع العادي والكبسوله اما الكزازيه من اقوى الانواع ما استخدمها

وانشاء الله اني قدرت افيدك اخوي بومحمد

اخوك شقران

[ذيب الدريميح]

السلام عليكم
انا مراي انها اتساعد وايد لانها تغل الشحمه الي فطير وعقبها تعشي بس عاتين وانا احط مع العشا حليب
وانشوف اراء الربع

[Al Saifi]

يعطيكم الف عافيه للرد ع اخونا بومحمد ,,

[saif alkaabi]

السلام عليكم
لي تعليق على الموضوع بعد دقايق عن عن اذنكم

[saif alkaabi]

السلام عليكم
اخوي بومحمد انا باقوولك رايي
وكلا له وجهة نظر
الشناذره تنفع يووم انى الطير يحذف شحمه
ويستهد وتصلب الطير
بس هذا الي همنا انى الطير يفعل بعد ماتشنذره
بس اخووي ماشفتو فرسة الطير من داخل بعد الشناذره
انشهد انها تلعب بحسبته ..بس اهم شي الفعل
ومن جينا على الدنيا والعالم كلهم يستخدموون الشناذره حق طيوورهم
اوقات تصيب وماتضر الطير وااوقات مايتووفق الطير ويمرض او يموت
مايندر انا احس الطير يووم يتشنذر احتمال يعيش 60 في الميه واحتمال يموت او يمرض 40 في الميه

انا اقوول الشناذره العاديه ابرك من الباقي

ويعطيك العافية على المواضيع الطيبه

[جرب حظك]

موضوع جميل بس لابد من فحص الطير عن ( القلاع ) قبل أن تشنذرة لأن عند شنذرة الطير وهو في نسبة بسيطه من القلاع يأدي إلى موته أو ألتهاب حاد في زوكر الطير

[بومرشد الكعبي]

موضوع مهم
مثل ماقال اخوي لازم تفحص الطير يكون سليم من الامراض
ولشناذره لابد منها
الله لايهينكم على الموضوع الاكثر من ممتاز

[βпT άlQüβάişi]

موضووع موفق

[admin1]

السلام عليكم ورحمة الله وبركاته

موضوع جميل يالغالي

ولكن انا عن نفسي احب اشنذر في ليلة شهر 11 مادرى ليش صارت عاده فيني

بس شرط يكون الطير عديد و مافيه شي من الامراض لتجنب الالتهابات

وعلى فكره اذا تشنذر الطير تاكد انه بيجيه مرض الاكسيديا

وتسلم بومحمد

[قطر603]

تسلم على الموضوع الطيب
وانا من راي ان الشناذره مالها غنى
والشناذره الطبيه وايد زينه ومن خلال تجربه
ماعليك الا تحط الشناذره في بطنه مع ماي بسيط بس علشان تنزل ولاتكثر الماي تراه مضر
وبيحذف الشحمه من غير اي التهابات ولا اضرار باذن الله وتقدر تدعي الطير او تهده على صيده خلال ساعات بسيطه
وتاكد قبل التشنذر ان الطير عديد وخالي من الامراض
والشناذره الطبيه نوعين كبسوله حمرا وفي توع ثاني وهو الاحسن الكبسوله البيضا

[بوجاسم]

السلام عليكم مشكور صديقي بس انا ما احب اشنذر ولكن نضطر وهي بعتقادي مره وحده تكفي وتوازن بعدها حق الطير وعن الانواع سمعت من بعض الشباب في توع يجيبونه من البحرين ايسويه باكستاني ويحذف ولا تضره باسالك وشاكرلك الموضوع

[دليله القنوص]

شكر للمعلومات القيمه

[بوعبدالرحمن]

مالك غنى عنها الشناذره شي اساسي
بذات شهر 11