جوارح الجنوب
02-16-2010, 12:29 AM
السلام عليكم ورحمة الله وبركاته
وش حالكم؟ارب انكم طيبن...يجعله دايما انكم بخير وطيبين ومستانسين
قبل ما ابدا في سوالفي وهرجي اللى ما يخلص تفضلوا على القهوه
واسمعوا السوالف الزينه...حياكم تقهووا
http://www.mekshat.com/pix/upload/images5/mk8534_22.jpg
جعل به الف عافيه...القهوه ثراها مصلحتها ام جابر ان شاء الله تعجبكم
جعلها توخذ ...اتزين قهوه ما ودك تترك فنجالك من حلاة قهوتها...قابضه على طول يومها واحنا نتفقع
ياطر جيبي طراه اتعينين واجد من الفقعان ليه انا ما اعين؟؟وطول ما احنا نتفقع ياليل مطولك
انتي الارض تتفقع لج...ام جابر تنضلتني خلاص بروح من صيد امس وسبب هي
ما اتعين وتنفقع كبدها...هههههههه بتموت قهر قوم انه نظرها ضعيف ...ولابسه لي نظارة شمس
وين اتشوف...جعلني ابكيها....بعد عمرن طووويل
المهم ما اطول عليكم...عينا فقعانن زينه واااجده...حاولت انزلها الليله بس خويتي..مش موجوده
الليله....ممسيه بالبر بطامر الشمال ودها بالفقع اللي جنب البحر...ذاكرين لها اهناك والله يوفق لهم
الصور روعه وان الله كتب بنزلها بكره بالليل..هالمره زبيديه ...
وناسه اللمه كلن يقول شي اللي يقولون فقع في الشمال واللي يقولون حول ام الحول
واللي يقول حول الغاريه...واللي يقول على خط الخراره القديم...وناس يقولون ...حول الزباره ضيعوا العرب
كل يوم اتعينونهم بمنطقه...الله يوفق لهم ويلقطون الفقعان هههههههه لا صدق يقنصون للفقعاان
ما تدرون فرحتى كيف لعينت بزران شباب بنات عجايز كلن عينه بالارض يدور ينشرح
صدر الواحد كلن فرحاان...والله ما تتصورون الموقف ذا واحنا نتفقع قسم بالله انه انعين بكل لحظه
وجنبنا عجوز مع ولدها..تتفقع كل ما اتشوفنا نجتمع حول الفقعه ترفع راسها اتشوف فرحتنا
والله العظيم يوم عينا فقعه لا وكبيره ناديناها وجبناها لحد الفرقوعه ..وخليناها تاخذها وعطيناها
من اللي عيناه...ما تتصورون فرحتها...قلت لها لا تتعدين ذا المكان وبتعينين ..وفعلا عينت
صورتها لكم ..بنزلها ان شاء الله...وسبحان الله كل شخص معه رزقه..والتفقع يبيله ركاده وتركيز
ماهو سرعه سرعه وادي ثاني ولا تفقع بالسياره...خلك بواديك وتفقع بهدوء...الفقع يبيله
كذا ...ماهو نقزه ...منا ومنا...الله اتعينا لروح لشتا وقفى عنا...لشتا يلم لصغير ولكبير ونتعلم
اشياااء واجده...كني طولت عليكم ...يا مكثر حكيي...والسموحه من اخواني لذياابه
وخواتي العزيزات...هرجي واجد وصدعت روسكم...جعل روسكم سالمه من كل شر
بل بل ام جابر شربتنا لبن عااااااابص من الشكووه ...ودكم منه ؟؟وش قومها الليله...
مشووطه كل ذا لانه ما عينت فقعان...تحملوا منها العجره بيدها يالله اخليكم يا لذيابه بروح اندس عنها
ولا بنرضخ الليله...وين اندس وين؟امممممممممم عينت المكااان .....سر ما اعلم
يالله ما عاااقبنا شر...وتصبحون على خير يا وجيه الخير
وش حالكم؟ارب انكم طيبن...يجعله دايما انكم بخير وطيبين ومستانسين
قبل ما ابدا في سوالفي وهرجي اللى ما يخلص تفضلوا على القهوه
واسمعوا السوالف الزينه...حياكم تقهووا
http://www.mekshat.com/pix/upload/images5/mk8534_22.jpg
جعل به الف عافيه...القهوه ثراها مصلحتها ام جابر ان شاء الله تعجبكم
جعلها توخذ ...اتزين قهوه ما ودك تترك فنجالك من حلاة قهوتها...قابضه على طول يومها واحنا نتفقع
ياطر جيبي طراه اتعينين واجد من الفقعان ليه انا ما اعين؟؟وطول ما احنا نتفقع ياليل مطولك
انتي الارض تتفقع لج...ام جابر تنضلتني خلاص بروح من صيد امس وسبب هي
ما اتعين وتنفقع كبدها...هههههههه بتموت قهر قوم انه نظرها ضعيف ...ولابسه لي نظارة شمس
وين اتشوف...جعلني ابكيها....بعد عمرن طووويل
المهم ما اطول عليكم...عينا فقعانن زينه واااجده...حاولت انزلها الليله بس خويتي..مش موجوده
الليله....ممسيه بالبر بطامر الشمال ودها بالفقع اللي جنب البحر...ذاكرين لها اهناك والله يوفق لهم
الصور روعه وان الله كتب بنزلها بكره بالليل..هالمره زبيديه ...
وناسه اللمه كلن يقول شي اللي يقولون فقع في الشمال واللي يقولون حول ام الحول
واللي يقول حول الغاريه...واللي يقول على خط الخراره القديم...وناس يقولون ...حول الزباره ضيعوا العرب
كل يوم اتعينونهم بمنطقه...الله يوفق لهم ويلقطون الفقعان هههههههه لا صدق يقنصون للفقعاان
ما تدرون فرحتى كيف لعينت بزران شباب بنات عجايز كلن عينه بالارض يدور ينشرح
صدر الواحد كلن فرحاان...والله ما تتصورون الموقف ذا واحنا نتفقع قسم بالله انه انعين بكل لحظه
وجنبنا عجوز مع ولدها..تتفقع كل ما اتشوفنا نجتمع حول الفقعه ترفع راسها اتشوف فرحتنا
والله العظيم يوم عينا فقعه لا وكبيره ناديناها وجبناها لحد الفرقوعه ..وخليناها تاخذها وعطيناها
من اللي عيناه...ما تتصورون فرحتها...قلت لها لا تتعدين ذا المكان وبتعينين ..وفعلا عينت
صورتها لكم ..بنزلها ان شاء الله...وسبحان الله كل شخص معه رزقه..والتفقع يبيله ركاده وتركيز
ماهو سرعه سرعه وادي ثاني ولا تفقع بالسياره...خلك بواديك وتفقع بهدوء...الفقع يبيله
كذا ...ماهو نقزه ...منا ومنا...الله اتعينا لروح لشتا وقفى عنا...لشتا يلم لصغير ولكبير ونتعلم
اشياااء واجده...كني طولت عليكم ...يا مكثر حكيي...والسموحه من اخواني لذياابه
وخواتي العزيزات...هرجي واجد وصدعت روسكم...جعل روسكم سالمه من كل شر
بل بل ام جابر شربتنا لبن عااااااابص من الشكووه ...ودكم منه ؟؟وش قومها الليله...
مشووطه كل ذا لانه ما عينت فقعان...تحملوا منها العجره بيدها يالله اخليكم يا لذيابه بروح اندس عنها
ولا بنرضخ الليله...وين اندس وين؟امممممممممم عينت المكااان .....سر ما اعلم
يالله ما عاااقبنا شر...وتصبحون على خير يا وجيه الخير