يالربع وش علاج الجذره اللي في كف الطير ؟؟

[بوحمد]

السلام عليكم يالربع وش الاخبار

يالربع عندي طير وفي كفه جذره والربع نصحوني اني استخدم له السائل اللي في الصيدليه

اللي يحطونه على الثالوله وش رايكم يالربع من مجرب شي زين للجذره ؟؟

بالتوفيق ان شاء الله للكل

[saif alkaabi]

السلام عليكم
اخوي بوحمد الله يشفي طيرك يالغالي
في واحد من الربع في السعوديه دوم يكوي الجدره مادري ينفع الكي او لا

واما عن الي في الصيدليه ان شالله يفيدونك الربع

والله يشفيه ان شالله

[المنصوري]

بوحمد

الله يفك عوق طيرك

ويفيدونك الربع ان شاء الله

[بوجاسم]

السلام عليكم
بو حمد بالنسبه حق دواء الثالول انصحك به انا السنه جربته على لدغ النامس بالوجه عند المنخر والمصايد وجاب نتيجه بس داوم عليه تقريبا لمدة اسبوع او اكثر لحد ما ينشف وحط فقط على مكان الجدره ولا يطلع خارج احدود الجدره واستخدم الدواء الي فيه فرشاه وبالتوفيق والسموحه

[admin1]

السلام عليكم ورحمة الله وبركاته

كيف الحال ان شاءالله بخير

بوحمد انصحك بأستخدام دواء الثالول لي انه زين و ييبس الجذره ويقطها الطير

وعن نفسي مجربه قبل وأفاد الحمدالله

والله يشفيه ان شاءلله

[الرميحي]

بالنسبة لي شخصياً عندي فرخ شاهين فيه الجذرى وخذته سوق واقف وعطوني ابر للطير عشر تقريباً والطير الحمدلله كل ماله ويتحسن شوف وده لهم وان شاء الله يتشالا
تقبل مروري اخوي

[هذال]

عسى الله يشفي طيرك يابوحمد


انا كان عندي طيرين وكلها فيها جذره على الكف من فوق واحد عالجته بمرهم من الصيدليه والثاني كويته بجمره

وفيه مرهم قريت عنه فالانترنت اسمه falcon Pox وينصحون به الصقاقير

وفيه ابر مثل ماقال اخوي الرميحي عند مستشفى سوق واقف

بس انا انصحك بالمرهم لانه مايخلي الطير يتألم او يحس بوجع


لأن الكي يتعب الطير شوي ويخلي الطير يعض مكان الكيه


وفيه صقاقير يعالجون الجذره بالشمع -- والطريقةالثانيه تقوم بأشعال النار فى قطعة بلاستيك ثم تنطر حتى يبداء

لبلاستيك بالذوبان والتقطير قطر مشتعلة ثم تقوم باسقاط قطرة على كل مكان اصابة ولكن يجب ان يكون معك معاون

حيث يكون يحمل مرش الماء وفور وصول القطرة المشتعلة على موقع الاصابة يقوم بالرش عليها حالاً كي يطفئها

ويخفف من الام الطير هذه الطريقة نجحت مع حالات متقدمة من الاصابة

وانا مانصح بالتنقيط على الطير لان فيها تعذيب بالنار وهذا امر منهي عنه والله اعلم

[بوحمد]

بيض الله وجيهكم يالربع والله ماتقصرون

بخصوص الدواء الثالول استخدمه وباستمر عليه سبوع وباشوف الوضع كيف ان شاء الله في تحسن

انا بعد ما يصيد الطير او اهد له شي بعد العشى اطهر الجذره بمطهر اللي مال جروح اللي في الصيدليه في اكياس صغيره

امسح عليهم وانظفها من الدم والغبار وكل شي وبعدين ارش عليها بخاخا يطعرها وفليل على الساعه 9 او 10 ادهن عليها

دواء الثالول امسح على الجذره هذي صورة الجذره منتشره في كف الطير

http://www.up.qatarw.com/get-2-2010-iv0oo8d4.jpg

وماتقصرون يالربع وان شاء الله يتشافى الطير بإذن الله

[Mr.BERETTA]

أخووي بو حمد طيري عقاب جاته أربع ووديته للأمريكي وحطيته عنده والحمدلله تشافا
مع العلم أن ثنتين منهم كانت قريبه من العالف الأوسط والتابع والثالثه عند واحد من مناسمه والرابعه في نص كفه
والحمدلله ما طاح عالفه ولا طاحت ضبته
وشفى الطير ولا بين عليه شي وأحمد الله وأشكره

[نجــــم سهيــل]

ارك على الفازلين ونشالله يطيب ومثل ما قالو الربع وده المريكي وهو سبب والعلاج عند ربك

[بوهزاع الكبيسي]

بو حمد بالنسبه حق دواء الثالول انصحك به