قصيدة..عن الصقر الحر.

[امخاوي الطيور]

بسم الله الرحمن الرحيم
ياسقا الله لوني يالنداوي...... مثلك تطير لاضاقت عليك الوسيعــــــة..!!
تلمس الغيم ومن تحتك شواوي..... تفرد الجنحان ودروبك فسيحــــة..!!
لاشهرت الريش ماخابت هقاوي.... فالسما لك عشق وجبالك ربيعــة..!!
شايم بالنفس معليها العلاوي.......مادنعت في يوم لطيور الوسيعـــة...!!
ماهدى لك طرف وعيونك ماتاوي...واللحوظ ألي تميزلك سريعـــــة...!!
كل صيد تجدعه صار ثاوي.....والمخالب تفتك تميت وعطيبــــــــــــة...!!
وسط جوك صرت زيزوم سماوي.... فوق راس اقذال تختال الطبيعة...!!
حر من يبغاك تسمع له مناوي.....يذكرك بالحلم وأشواقه وليعــــــــة..!!
ماحكوا بالزيف عنك والحجاوي... تنظم الأبيات في وصفك حقيقـــــــة..!!
أشهد أن الصدر ذا عنك خلاوي... دام لابرقع وصقار تطيعــــــــــــــة..!!
ياعزيز النفس هانتك البلاوي... جاهلك يشويك ولعزك يبيعـــــــــــــة..!!
أحذر الجهال تجنيك الشقاوي...خلك بمرقابك ونفسك رفيعــــــــــــــة..!!
أتمنا ان تنال إعجابكم .. لكم خالص الود والإحترام
لاتحرموني مروركم وتواجدكم..
وسلامة من قراء هذه القصيده..
بقلم .. شاعركم امخاوي الطيور؟
ودمتم سالمين..

[admin1]

صح لسانك يالغالي

وقصيده جزله وطيبه من رجال طيب

اتمنى اتشارك فيها في موضوع اخونا دوحه حصين

http://www.mqanes.com/vb/showthread.php?t=1960

[ذيب الدريميح]

صح لسانك اخوي

[بوجاسم]

السلام عليكم
تسلم وصح لسانك

[دوحة حصين]

السلام عليكم
هذي قصيدتك؟ متى كتبتها؟
وايش المناسبه؟ لانها منتشره في جوجل من زمان
والعذر والسموحة منك ومن الربع

[saif alkaabi]

السلام عليكم
صح الله لسانك اخوي مخاوي الطير
قصيده طيبه نبغي قصايد عن الطير وطمعانين في قصيدك

[امخاوي الطيور]

يعطيكم العافيه