وجهة نظر !

[شقران]

بسم الله الرحمن الرحيم والصلاة والسلام على اشرف المرسلين

السلام عليكم ورحمة الله وبركاته

اخواني الاعضاء وجهة نظر يمكن تكون صحيحه ويمكن تكون عند البعض غير صحيحه .

الموظوع : انت لي شريت طير وراعي الطير يقولك شروط انه سبوق ويلحق وصايد ومن هذا الكلام

طبعن الطير مشروط صايد وسبق ويفرع اذا كان حر باتكلم لكم عن الحرار .

انت الطير ماصاد عندك يوم شريته ولا يفرع التفريع الي يتكلم عنه راعيه .

انب بتقول في بالك غشك الرجال او قص عليك يمكن او يمكن لا .

فانا واعوذ بالله من قولت انا ماشرط على طير ابدن ليش علشان مايصيدني مثل هالمواقف هذي

وفي حوادث اكثيره صارت لو اعدها عليكم مانخلص .

موقف من هالمواقف وهو ان واحد اعرفه من الربع ويقنص معانا وكلن عارف طيره وشهود عليه باعه

وشرط على الي شراه الاشياء الي ذكرتها في اول الموضوع يوم اقنصوا الا الطير لا يفرع عدل ولا يبي

الحباره ابدن وهو صايد مب صايد الا حاشر ولا يحترك فصار جدال بين الشاري والبايع .


في الختام : وجهة النظر عندي اني ماشرط على طير ابدن لان اذا صار اني بعت طير انا بعت طير مابعت

صقاره.


والسموحه على الاطاله

وارجو منكم الرد اذا كانت الشي الي انا افكر فيه صحيح او خطا

ان كان صحيح لله الحمد والناس تستفيد وان كان خطا فاني اتعلم منكم

تقبلو تحياتي اخوكم شقران

[Al Saifi]

والله ياخوي شقران شاقولك ,,

كلها توافيق من الله سبحانه وتعالى ,,

ممكن يفلح الطير عندك وعند غيرك لا ,,

والعكس صحيح ,,

انا لابد مني يوم البيعه اقوله محاسنه وعيوبه وابري ذمتي ,,

واذا يبي يسئل يكون افضل عشان مايجي بعدين ويقولي انت غشيتني في البيعه ,,

هذي وجهت نظري ياخوي شقران ,,

اختلاف الرأي لايفسد للود قضيه ,,

[شقران]

والله ياخوي شقران شاقولك ,,

كلها توافيق من الله سبحانه وتعالى ,,

ممكن يفلح الطير عندك وعند غيرك لا ,,

والعكس صحيح ,,

انا لابد مني يوم البيعه اقوله محاسنه وعيوبه وابري ذمتي ,,

واذا يبي يسئل يكون افضل عشان مايجي بعدين ويقولي انت غشيتني في البيعه ,,

هذي وجهت نظري ياخوي شقران ,,

اختلاف الرأي لايفسد للود قضيه ,,

بيض الله وجهك وماقصرت كلامك صحيح اخوي

شاكرلك مرورك

اخوك شقران

[admin1]

اخوى شقران بارك الله فيك على موضوعك الهادف هذا

انا عن نفسي اشرط اذا اعرف اني بايع الطير لصقار مب شراي فقط

لاانه هذه فيها احراجات كثيره تصير بين الناس والمجالس فلان غشنا وفلان مايستحى

انا اعرف واحد من الربع باع طير والطير مشهود له انه سبوق وطلع ومايحتاج

لكن تعال شوف اللى خذ الطير وقنص فيه

الرجال قنص في الطير والطير تقول عمي ولا يشوف شي ومره يجي على الدعو ومره لا

ورد الطير على راعيه بعد مشاكل وكلام طلع على الرجال راعي الطير


وقاله يابن الناس عطني الطير وخذ فلوسك وفكني من سوالفك بين العرب

والله يوم خذه من عنده الطير نفس ماهو بس اللى خذ الطير غشيم ويبي طير جاهز لكل شي

طبعا انا ابيعك طير ماابيعك صقاره

والله العظيم انه يطلع قبل طيور القروب اللى معاه ومشهود له الطير بذالك

[شقران]

اخوى شقران بارك الله فيك على موضوعك الهادف هذا

انا عن نفسي اشرط اذا اعرف اني بايع الطير لصقار مب شراي فقط

لاانه هذه فيها احراجات كثيره تصير بين الناس والمجالس فلان غشنا وفلان مايستحى

انا اعرف واحد من الربع باع طير والطير مشهود له انه سبوق وطلع ومايحتاج

لكن تعال شوف اللى خذ الطير وقنص فيه

الرجال قنص في الطير والطير تقول عمي ولا يشوف شي ومره يجي على الدعو ومره لا

ورد الطير على راعيه بعد مشاكل وكلام طلع على الرجال راعي الطير


وقاله يابن الناس عطني الطير وخذ فلوسك وفكني من سوالفك بين العرب

والله يوم خذه من عنده الطير نفس ماهو بس اللى خذ الطير غشيم ويبي طير جاهز لكل شي

طبعا انا ابيعك طير ماابيعك صقاره

والله العظيم انه يطلع قبل طيور القروب اللى معاه ومشهود له الطير بذالك


بيض الله وجهك اخوي بوخالد وكلامك صحيح وانا اقول انت تبيع طير ماتبيع اصقاره

شاكرلك اخوي

اخوك شقران

[saif alkaabi]

السلام عليكم
اخوي يووم قبل تبيع الطير
خبر الشاري وقله ذي علوم الطير
صايد وحاشر ...انت عطه خبر وقوله
اذا موجودين شهود يشهدون بالحق ويقلوون كلمتهم في
الطير ..واذا الطير بعد البيعه مافعل انت وشذنبك اذا
الصقار الثاني ماحلفه الحظ وماتوفق في صقارة الطير
وثاني الطير يمكن ماتوفق مع راعيه الجديد

انا اقولك قبل تبيع الطير اشرط على راعيه
انى الطير صايد عندك وقووله الطير فعل عندي
واذا شاف بعينه او سمع
وبعته له ومافعل هاي مشكلته مهب مشكلتك
واذا كان رجال يعرف السنع ومن طرف رجال
ماراح يجيك ويقوولك الطير
مافعل وغشيتني وماشفت فعله
اذا قالها لك اعرف انى البلا منه مهب من الطير

وخلك صريح يوم بتبيع الطير وقول علمه بدون
ماتزيد او تنقص في حق الطير
والحق ينقال عند البيع ...
لاهنت على مواضيعك الطيبه

[شقران]

هلا اخوي يعطيك العافيه

شاكرلك مرورك وكلامك الطيب

اخوك شقران

[ذيب الدريميح]

تسلم اخوي شقران على الموضوع

[شقران]

الله يسلمك من الشر

شاكرلك مرورك

اخوك شقران

[s.aln3imi]

السلام عليكم



اخوي شقران


والله انك صادق تصير مع ناس واجد هذا الموقف
وتبي الصحيح عشان مايلحقك كلام ولا شي
لا تشرط قوله الطير مثلا صايد حباره وكراوين وطير مشالله
في سبق وطير يفرع وطلع بس لا تقول للشاري
شرووووط انه مايحترك ع تكايه وسبقه فارط
وحشار حباري شرووط


تدري ليش


يمكن الي يشتريه مايعرف للطير ومزانية عدت الطير <<خاصه الجير

يمكن يلعن ام الطير <<خاصه اذا كله حمام حمام

وعقب يهده ع حباره ولا الطير ضاربه ملوع من الهدد ع الحمام

وعقب يقول والله الرجال نصب علي باعلي طير مايصيد



واذا مافرع عنده ع التكايه يقول شي

يمكن هو حركته وايد في الموتر

ولا مفرع الطير ومسكر حده في الموتر ماينفع

الزبده

لا تشرط ع الطير

بس قله فعل الطير عندك بس

لان الطير مايصيد من نفسه يصيد من صقاره

[شقران]

السلام عليكم



اخوي شقران


والله انك صادق تصير مع ناس واجد هذا الموقف
وتبي الصحيح عشان مايلحقك كلام ولا شي
لا تشرط قوله الطير مثلا صايد حباره وكراوين وطير مشالله
في سبق وطير يفرع وطلع بس لا تقول للشاري
شرووووط انه مايحترك ع تكايه وسبقه فارط
وحشار حباري شرووط


تدري ليش


يمكن الي يشتريه مايعرف للطير ومزانية عدت الطير <<خاصه الجير

يمكن يلعن ام الطير <<خاصه اذا كله حمام حمام

وعقب يهده ع حباره ولا الطير ضاربه ملوع من الهدد ع الحمام

وعقب يقول والله الرجال نصب علي باعلي طير مايصيد



واذا مافرع عنده ع التكايه يقول شي

يمكن هو حركته وايد في الموتر

ولا مفرع الطير ومسكر حده في الموتر ماينفع

الزبده

لا تشرط ع الطير

بس قله فعل الطير عندك بس

لان الطير مايصيد من نفسه يصيد من صقاره

الله يعطيك العافيه

شاكرلك كلامك الطيب ومرورك اخوي

اخوك شقران

[قناص-المرونه]

تسلم على الموضوع..............

[شقران]

الله يسلمك اخوي من الشر

شاكرلك مرورك

اخوك شقران

[الزباره]

مافيك حيله شقران
انا من راي تسووي الشي الي اسويه
اذا رجال جاني ويبغي الطير
اقوله كلمتين نشدت عن علم الطير
اذا قالي اي نعم وسمعت عنه بعته
واذا قال لي لا والله ماعرف عن الطير
اقووله اذا ماتعرف عن الطير ولاسمعت به
شلون ابيعك اياه يمكن الطير في طبع مهب زين
او به شي...وانا ماودي ابيعه عشان الذمه
وهنيه الرجال بيسمع علوم الطير منك
وبياخذه ..قدك بريت ذمتك من الطير
وقلت كل شي طيب فيه وكل عاده شينه به

دووم تلفت انتباهنا بالمواضيع الترتيب الي
تشد انتباه الاعضاء والي مهتمه بالمقانص

[بومحمد]

السلام و اشكرك على هذا الموضوع وخير الكلام ماقل ودل تبيع طير ولا تبيع اصقاره ولي يشرط يتحمل مايجيه و يجب يعرف الشاري انه الطير يصيد لنفسه [/SIZE]

[الزباره]

اخوي بومحمد كلامك طيب
بس بومحمد لو طيري فعل وجيت ابيعه
وماشرطت عليه انى الطير فعل
بس قالي علم الطير وعطته فعله وعلومه
الصقاره تختلف عند كل صقار
والطير مافعل عنده انا شذنبي

بس على ماقالو الربع وايد كلامهم
انى قبل تبيع الطير ماتشرط على
الرجال انى الطير يفعل
اللهم تخبره انى طيرك صاد وطيرك فعل
وتذكر كل محاسنه وتذكر عيبه
في ذا الوقت تبري ذمتك

[قناص-المرونه]

تسلم و لاهنت

[شقران]

اخوي بومحمد وقناص المرونه

الله لايهينكم على الكلام الطيب

شاكر لكم مروركم

اخوكم شقران

[بودعي]

تسلم اخوي على الموضوع الطيب

[_QTR_]

والله بيني وبينك يعتمد على الشراي

اذا يعرف حق الطيور والا لا

وترى الطيور ما تشابه يالربع وطبايعه غيرررر

وانت عارفين .. تراها توافيق من ربك.. ويعتمد على راعي الطير



ومثل ما قال اخوي S.aln3imi وصدقت يالشيخ

وترى الطير ما يصيد من نفسه.... تراه يصيد من صقاره

[المنصوري]

اخوي شقران الله لايهينك على طرحك للموضوع

وحلوووو انا الشباب متفاعلين مع الموضوع

وهذا دليل على الاخوه الي صايره بينا احنا يا اعضاء المنتدى

والله يديم هالاخوه على خير

والموضوع ماخلو شي الربع حق غيرهم

علومهم طيبه

تقبل مروري يالغالي

[القرناس]

انا معاك اخوي شقران اذا بعت بعت طير مب صقاره

[شقران]

اخوي شقران الله لايهينك على طرحك للموضوع

وحلوووو انا الشباب متفاعلين مع الموضوع

وهذا دليل على الاخوه الي صايره بينا احنا يا اعضاء المنتدى

والله يديم هالاخوه على خير

والموضوع ماخلو شي الربع حق غيرهم

علومهم طيبه

تقبل مروري يالغالي



الله يسلمك اخوي المنصوري مابه شك كلنا ربع واخوان

شاكرلك مرورك اخوي

عساك على القوه

[شقران]

انا معاك اخوي شقران اذا بعت بعت طير مب صقاره

عساك على القوه اخوي

شاكرلك مرورك

[بوعبدالرحمن]

صراحه الي يبيع بشروط ماعنده سالفه لان الصقاره لها دور كبير انا شريت طير من فتره خذته علنى عايف الحباره يوم سنعت الطير وصاد عندي لان الي خذه قبلي غشيم ماله في الصقاره وهذي توافيق من رب العالمين

[بدون ملامح]

السلام عليكم ورحمة الله وبركاته
تسلم أخوي شقران على طرحك اللموضوع
والله يعطيك العافية
وكلامك صحيح صار مع ناس ماقلت والسبب يمكن يكون في أعتقادي من صقار لصقار ثاني
يمكن فعله عند صقار يختلف عن الشخص للي ماخذة غير الواحد يقول كلمة الحق في الطير ويبري ذمته عند البيع
بحب بووضح للك شي وللأسف في ناس عند البيعة يحب يظهر محاسن الطير أكثر من عيووبه وللأسف تكون عكس على راعية الاولي بيكون مذمووم عند الشاري بعدها والشي الصيحيح ان الشخص إذا خايف من الذم ماعلية أنه يبين مافي الطير ولا يشرط على الشارع بيكوون سلم والله أعلم من الذم
سبحانك اللهم وبحمدك ، أشهد أن لا إله إلا أنت أستغفرك وأتوب إليك

[شقران]

يامرحبااااااااااا فيكم يابوعبدالرحمن وبدون ملامح بيض الله وجيهكم على المشاركه الطيبه وشاكرلكم مروركم الكريم

[بوجاسم]

السلام عليكم بيض الله وجهك على الموضوع الي يشرط غلطان وصقار عن صقار يختلف ولو كان اخوك كلامك صح الصح وشكرا

[شقران]

يامرحبااااااااا يابوجاسم الله حيه ووجهك ابيض الله يسلمك

تسلم على المشاركه الطيبه لاهنت على المرور الاطيب

[Mr.BERETTA]

السلام عليكم أخوي شقران كلامك يدل على رجاحة عقلك وآنا إذا ببيع طير أقول للشاري أستفسر عن الطير وأستفسر عن فعله لأن الطير يختلف طبعه من صقار لصقار ويمكن يكون هالأختلاف فالصقاره ما هو في مصلحت الطير أما إذا كنت الشاري فأنا ماخذ الا طير عارفه وعارف صقاره وعارف لحوقه وصيده

وتقبلوا تحياتي ومروري المتواضع





أخوكم (Mr.BERETTA)

[شقران]

السلام عليكم أخوي شقران كلامك يدل على رجاحة عقلك وآنا إذا ببيع طير أقول للشاري أستفسر عن الطير وأستفسر عن فعله لأن الطير يختلف طبعه من صقار لصقار ويمكن يكون هالأختلاف فالصقاره ما هو في مصلحت الطير أما إذا كنت الشاري فأنا ماخذ الا طير عارفه وعارف صقاره وعارف لحوقه وصيده

وتقبلوا تحياتي ومروري المتواضع





أخوكم (Mr.BERETTA)


عليكم السلام ورحمة الله وبركاته

شرفني مرورك الطيب اخوي والله يعطيك العافيه

[Mr.BERETTA]

يزيدني شرف يا أخووي شقران إذا رديت على شي من مواضيعك وتسلم يالغالي على كلامك الطيب اللي يدل على طيب ساسك وساس اللي أنت منهم

تقبل تحياتي يالغالي

[شقران]

يزيدني شرف يا أخووي شقران إذا رديت على شي من مواضيعك وتسلم يالغالي على كلامك الطيب اللي يدل على طيب ساسك وساس اللي أنت منهم

تقبل تحياتي يالغالي

الله لايهينك ماعليك زود طال عمرك

تسلم :)

[ViP]

اخوى شقران بارك الله فيك على موضوعك الهادف هذا

انا عن نفسي اشرط اذا اعرف اني بايع الطير لصقار مب شراي فقط

لاانه هذه فيها احراجات كثيره تصير بين الناس والمجالس فلان غشنا وفلان مايستحى

انا اعرف واحد من الربع باع طير والطير مشهود له انه سبوق وطلع ومايحتاج

لكن تعال شوف اللى خذ الطير وقنص فيه

الرجال قنص في الطير والطير تقول عمي ولا يشوف شي ومره يجي على الدعو ومره لا

ورد الطير على راعيه بعد مشاكل وكلام طلع على الرجال راعي الطير


وقاله يابن الناس عطني الطير وخذ فلوسك وفكني من سوالفك بين العرب

والله يوم خذه من عنده الطير نفس ماهو بس اللى خذ الطير غشيم ويبي طير جاهز لكل شي

طبعا انا ابيعك طير ماابيعك صقاره

والله العظيم انه يطلع قبل طيور القروب اللى معاه ومشهود له الطير بذالك



عجبني رد بوخالد ولا على باقي الربع اقصور ...
اي نعم انا لامني بعت طير ابيعك فعله .. واشرط


لكن يعتمد على الاصقاره وشهي قايله ...

يانه يعفس الطير ولا يحده على اقصاه ويشوف فعله الطيب... وعني مشتري طير الا لقدني خابر فعله..

وكلن وصقارته ...