أفضل شوزن صنعت

[Mr.BERETTA]

السلام عليكم ورحمة الله وبركاته,,,

يا جماعة الخير حبيت أعطيكم نبذه عن شوزن البرتا (أكستريما 2 ) وما هو غريب الأبداع من شركة برتا لأنها أول شركه للأسلحه فالعالم وتأسست هالشركه عام 1526 وأخر شوزن أصنعتها هي الأكستريما 2 وهي أفضل شوزن

ومميزاتها: 1- نظام الكيك أوف وهو مانع الأرتداد (يعني كأنك ترمي بساكتون )
2-تعمل بنظام الغاز ( هالنظام ما يخليك أتنظف الشوزن الا بين فتره وفتره )
3-ومعالجه بنظام الأكواتك (يعني مافيه أمل تصدي )
4-السبطانه سوبر ماجنيم ( يعني تتحمل الفشق من 24 جرام إلى 66جرام ) :eek:
5-طول السبطانه يوجد 26 و 28 والأكثر أنتشار 30
6- يوجد معاها تشوكات وأفضلها هو full shock
7- مخزنها 6 طلقات ومعاها من الشركه مخزن يشل 8 طلقات ويوجد مخزن يشل 12 طلقه
8-تعد أفضل شوزن في سرعة رمي الفشق(لأنها ترمي 12 طلقه في 1.37 ثانيه :eek: )
9-عمرها طويل ما يحتاج تسوي لها صيانه ونادر تخترب (يعني حق أستعمال العمر)
10- الصوت مكتوم ( يعني ما راح تبط طبلة أذنك )
11-وماهي مثل الشوازن القديمه فالرمي ( يعني ما يحتاج أتسبق قدام الهدف بشكل كبير )
12-وتعد أفضل شوزن في رش الفشق
13-الوزن 3.6 كيلو ( يعني تقدر ترمي بيد وحده )
14-توجد باللون الأسود والمموه ( وبصراحه كلهم حلوين )
15-شكل الشوزن الهندسي يساعدك على سرعة ودقة التصويب



وأعيوبها:1-سعرها غالي تقريباً ب10500 ( بس بصراحه تستاهل والزين سعره غالي )




وألحين بعطيكم الروابط اللي راح تخليكم أتشوفونها بشكل أوضح
الفيديو الأول http://www.youtube.com/watch?v=B6bKbqSdNEc

الفيديو الثاني http://www.youtube.com/watch?v=HXWoW3fw0IY

الفيديو الثالث http://www.youtube.com/watch?v=o5WFQTT23pI


تقبلوا تحياتي أخوكم (Mr.BERETTA)

والسموحه ع القصور

[نجــــم سهيــل]

يازينها

وخوش فيديو

وتسلم وماقصرت

[القرناس]

مشكور والله يعطيك الف عافيه

[admin1]

الله يقطع ابليسك خليتني اتحس على الوانشستر اللى شاريها

تسلم على المجهود الطيب هذا

[راعي فلاج]

مرحبا اخوي مستر ابرتا عيدك مبارك كل سنه وانت طيب

موضوعك في غاية الروعه واسم على مسما

لاكن ولاعليك امر ولااقطع كلامك الابالخيراخوي

البرتا مافيها اقصور عندي وحده منها وعندي سوبر بنلي 2ورميت فيها كلها

اما البرتا 2تجيك كبيره وعريضه والبنلي2تجيك خفيفه ونحيفه للرمي طيار

فيها ا لسرعه والمرونه والخف البنلي 2 افضل ونا جربتها الثنتين

ولاكن هي افضل شوازن في الشرق الاوصط

ونا احترم وجهة نظرك اخوي الغالي وبيض الله وجهك يالذيب

[راعي نواف]

لاهنت على المعلومه الحلوه بس اذا االواحد يبي يطلع تصريح شلون

[Mr.BERETTA]

مرحبا اخوي مستر ابرتا عيدك مبارك كل سنه وانت طيب

موضوعك في غاية الروعه واسم على مسما

لاكن ولاعليك امر ولااقطع كلامك الابالخيراخوي

البرتا مافيها اقصور عندي وحده منها وعندي سوبر بنلي 2ورميت فيها كلها

اما البرتا 2تجيك كبيره وعريضه والبنلي2تجيك خفيفه ونحيفه للرمي طيار

فيها ا لسرعه والمرونه والخف البنلي 2 افضل ونا جربتها الثنتين

ولاكن هي افضل شوازن في الشرق الاوصط

ونا احترم وجهة نظرك اخوي الغالي وبيض الله وجهك يالذيب




أخوي راعي فلاج منور الموضوع بوجودك والذيب أبوك وأنت ولده بس آنا كنت من مجانين البنلي ولكن البرتا أطول عمر وأسرع فك وتركيب ( يعني ما تاخذ وقت فالتنظيف مع أنها نادر ما تحتاج للتنظيف أو الصيانه وعمرها طووووووييييييييييل يعني حق أستعمال أما بالنسبه للتصميم فأنا أشوفه مناسب والوزن مثالي جداً جداً وهذا رايي المتواضع (ولولا أختلاف الأذواق لا بارت السلع) تقبل تحيات أخووك Mr.BERETTA

[Mr.BERETTA]

لاهنت على المعلومه الحلوه بس اذا االواحد يبي يطلع تصريح شلون

والله يالغالي تاخذ طلب من وزارة الداخليه بس فيه شروط للترخيص ونادر ما يطلع لكن عوضنا على الله سمعت أن فيه دراسه للموضوع وبأذن الله بيفتحون التراخيص ومحلات بيع الأسلحه والذخائر


وتسلم على مرورك الطيب

[Mr.BERETTA]

الله يقطع ابليسك خليتني اتحس على الوانشستر اللى شاريها

تسلم على المجهود الطيب هذا




لا تتحسف ولا شي يا بو خالد والونشستر فيها الخير هالشركه بالذات مالنا غنى عنها وأحنا وشوازنا وطيورنا ومواترنا تحت أمرك يا بوخالد تاعال وأخذ اللي يعجبك والله أن الحلال والمال يرخصون لك يا بوخالد


أما بالنسبه للمجهود فهاذي كلها بركتك يالغالي وأبشر بالموضوع اللي بيبرد خاطرك عن الونشستر بس خلني لين أفضا وأرتبه

[Mr.BERETTA]

مشكور والله يعطيك الف عافيه



الله يعافيك أخووي شقران قطر وتسلم على المرور الطيب

[Mr.BERETTA]

يازينها

وخوش فيديو

وتسلم وماقصرت


شاكر لك مرورك الطيب أخوي نجم سهيل والله يعطيك العافيه

[شقران]

الله لايهينك اخوي على المعلومات الطيبه وانا طالب وحده من الكويت بتوصل باذن الله الاسبوع الجاي وانا خذت السودا

والله كريم

عساك عالقوه

[Mr.BERETTA]

الله لايهينك اخوي على المعلومات الطيبه وانا طالب وحده من الكويت بتوصل باذن الله الاسبوع الجاي وانا خذت السودا

والله كريم

عساك عالقوه

الله يقويك يا أخووي شقران والله يهنيك فيها أنشالله وتاكل من صيدها يالغالي بس فيه شرط لازم اعضاء المنتدى كلهم يجربونها يالله يالغالي خذ لك باص كروه وصف عند بوابة المنتدى وخلنا أنروح نرمي بس بشرط آنا أول واحد والفايز مستمر (يعني اللي ما يفرط تقعد الشوزن عنده ) خخخ


الله يوفقك يالغالي وأنشالله ما تشوف منها الا كل خير يا رب العالمين

[admin1]

لا تتحسف ولا شي يا بو خالد والونشستر فيها الخير هالشركه بالذات مالنا غنى عنها وأحنا وشوازنا وطيورنا ومواترنا تحت أمرك يا بوخالد تاعال وأخذ اللي يعجبك والله أن الحلال والمال يرخصون لك يا بوخالد


أما بالنسبه للمجهود فهاذي كلها بركتك يالغالي وأبشر بالموضوع اللي بيبرد خاطرك عن الونشستر بس خلني لين أفضا وأرتبه

بارك الله فيك يالغالي

ونعم فيك والله

[Mr.BERETTA]

بارك الله فيك يالغالي

ونعم فيك والله

ما عليك زوود يا بو خالد والنعم فيك وفي قبيلة الكعبان العريقه

[الحر]

مشكور والله يعطيك الف عافيه

[Mr.BERETTA]

مشكور والله يعطيك الف عافيه

تسلم على المرور الطيب يا أخوي الحر وشاكر لك مرورك اللي منور الموضوع من غير قصور في باقي الأخوان

[فهد الحرمي]

تسلم اخوي ع الفيديو الرائع
وكفيت وفيت وبيض الله وجهك

[Mr.BERETTA]

تسلم اخوي ع الفيديو الرائع
وكفيت وفيت وبيض الله وجهك

ووجهك أبيض يا أخوي فهاد والله أنك منور الموضوووع بوجودك وبذوقك الطيب وهذا يدل على طيب ساسك وطيب من رباك ومن غير قصور في باقي الأخوان وأرجع وأشكر لك مرورك الطيب

[بوحسن]

والله فعلا افضل شوزن صنعت حتى الان
مع اني من اصحاب البنلي
لكن
اعترف انها افضل شوزن
واحد من الرع عنده وجربتها
تقول مثور بربع مب شوزن
خفيفه وماترتد ولاتحس بالم في كتفك
شاكرلك موضوعك الرائع
تقبل مروري

[Mr.BERETTA]

والله فعلا افضل شوزن صنعت حتى الان
مع اني من اصحاب البنلي
لكن
اعترف انها افضل شوزن
واحد من الرع عنده وجربتها
تقول مثور بربع مب شوزن
خفيفه وماترتد ولاتحس بالم في كتفك
شاكرلك موضوعك الرائع
تقبل مروري

يا هلا بك أخوي بو حسن ومرورك على الموضوع يزيدني شرف
وأنا بعد كنت من أصحاب البراونينج المتعصبين وملت للأكستريما 2 يوم جربتها
لأنها بصراحه كامله والكامل الله وشاكر لك مرورك الطيب يالغالي

[lwfabs]

لا هنت على الموضوع الوافي

وبيض الله وجهك

[Mr.BERETTA]

لا هنت على الموضوع الوافي

وبيض الله وجهك

ووجهك أبيض طال عمرك وما قصرت وشاكر لك مرورك الطيب يالغالي

[حمد المنصوري]

اخوي مستر برتا الله يعطيك العافيه على الموضوع اللي اكثر من رائع...

الصراحه انا اخالفك الرأي في هالموضوع وأأيد اخوي راعي فلاج...

من واقع التجربه ...وبما أني من عشاق ومجانين الرمايه انا أملك حاليا

حوالي سبع شوازن..ومن ظمنها البرتا اكستريما2 ...والبنلي الأم2...والبراوونق

الاوتو5 املك ثنتين الماجنوم والعاديه...واملك الرومينقتونالتوماتيك والثانيه

الوفر اندر...والبايكال الروسيه....

ومن واقع التجربه الطويله والدائمه البنلي لايعلى عليها نهائيا من جميع

النواحي لين صرت اتمناها معي وين ماروح...واللي يجي بعدها البراووننق وما أدراك

مالبراوونق خاصه السبطانه32 ام حبه والله ياعليها رمي جنوووووون

اما الاكستريما2 بالنسبه لي جربتها ومشكلتها كبرها الزائدوالمشكله

الكبيره ان الرصاص يبرد في مسافه قصيره وبسرعه... وهذا اللي خلاني

احطها في الكبت وانساها من سنه كامله ولا استعملها... وهذا لايعني

انها ماتنفع...وهذا رأيي يالغالي

[Mr.BERETTA]

اخوي مستر برتا الله يعطيك العافيه على الموضوع اللي اكثر من رائع...

الصراحه انا اخالفك الرأي في هالموضوع وأأيد اخوي راعي فلاج...

من واقع التجربه ...وبما أني من عشاق ومجانين الرمايه انا أملك حاليا

حوالي سبع شوازن..ومن ظمنها البرتا اكستريما2 ...والبنلي الأم2...والبراوونق

الاوتو5 املك ثنتين الماجنوم والعاديه...واملك الرومينقتونالتوماتيك والثانيه

الوفر اندر...والبايكال الروسيه....

ومن واقع التجربه الطويله والدائمه البنلي لايعلى عليها نهائيا من جميع

النواحي لين صرت اتمناها معي وين ماروح...واللي يجي بعدها البراووننق وما أدراك

مالبراوونق خاصه السبطانه32 ام حبه والله ياعليها رمي جنوووووون

اما الاكستريما2 بالنسبه لي جربتها ومشكلتها كبرها الزائدوالمشكله

الكبيره ان الرصاص يبرد في مسافه قصيره وبسرعه... وهذا اللي خلاني

احطها في الكبت وانساها من سنه كامله ولا استعملها... وهذا لايعني

انها ماتنفع...وهذا رأيي يالغالي

رايك وأحترمه يالغالي بس بقول لك يا بوشهاب البنللي والبروانينق شركات ما يشق لها غبار بس بصراحه والمعروف عند جميع الرماه أن البرتا عطها حقها بتعطيك حقك وزياده وأما بالنسبه لأنها تبرد فأكيد فيه مشكله فالتشوكات أختر التشوك المناسب وربي لا تشوف الحمام يدخن على بعد خيالي وأنا كنت من أشد عشاق البراونينج والبنللي بس عقب الأكستريما 2 بعت كل ما عندي من الشوازن لأنها بصراحه كفت ووفت ولولا أختلاف الأذواق لا بارت السلع وأنا شاكر لك مرورك ألي منور الموضوع وتسلم يالغالي ولا تزعلني منك مره ثانيه خ خ خ :mad:

[لشا]

الله يعطيك العافية

[Mr.BERETTA]

الله يعطيك العافية

يعافيك الشيخ منور أخوي

[بوهزاع الكبيسي]

السلام عليكم اخوي تسلم على الموضوع الطيب ابس انا ايد حمد المنصوي وراعي فلاج البنلي احسن من برتا

[Mr.BERETTA]

السلام عليكم اخوي تسلم على الموضوع الطيب ابس انا ايد حمد المنصوي وراعي فلاج البنلي احسن من برتا

والله رايك على العين والراس أنت والأخوان يا بو هزاع والبنللي شركه ما عليها كلاام بس برتا تغلبت عليها بها الشوزن وبصراحه الأكستريما 2 ما جاء عقبها شوزن وأحرقت سوق كل الشوازن ألي قبلها والدليل أنها أكثر مبيعات خلال السنتين ألي راحو وحطمت الرقم القياسي من البيع فالسنه
( ولولا أختلاف الأذواق لابارت السلع )